Байнга сонирхолтой дүр төрхөөр сюрприз үзүүлдэг DYRBERG/KERN брэндийн 2022 оны намар өвлийн “ДАВТАГДАШГҮЙ БҮСГҮЙ”  коллекцын нүүр царайгаа танилцуулж байна. Энэ удаад дэлхийд алдартай энэхүү брэндийн нүүр царайгаар “НАФА МОНГОЛ” ХХК -ны үүсгэн байгуулагч шилдэг бизнес эрхлэгч эмэгтэйчүүдийн нэг, монгол бүсгүйчүүдийн үлгэр дууриалал болсон Н.Солонго тодорлоо.

Түүний хурц тод харагдавч, зөөлөн ааш зан, цайлган үзэгдэвч тууштай хөдөлмөрч байдал, хүчирхэг, өөртөө итгэлтэй, давтагдашгүй үзэсгэлэн төрхүүдийг нь энэхүү коллекцоороо харуулахыг зорьсон байна.

Өдгөө 20 жил бизнес эрхэлж буй тэрээр дэлхийд алдартай Нафа брэндийг Монголд оруулж ирснээрээ алдартай. Мөнхүү олны танил болсон Carardli брэнд өнөөдөр Монголд шуугиан тарьдаг гоёмсон брэндүүдийн нэг. Мөн тэрээр 2021 онд Монголын бүх топ моделиудыг оролцуулсан Nafa fashion show –г зохион байгуулж байсан юм.