Монголчуудын өргөн дэлгэр тэмдэглэдэг цагаан сарын баяр нь менингококкт халдварын дэгдэлт идэвхжих гуравдугаар сартай давхцаж байгаа тул халдвараас сэргийлэх дэглэм сайтар сахихыг Эрүүл мэндийн яамнаас анхааруулж байна.

• Цагаан сарын баярын бэлтгэл хийх, баярын өдрүүдийг тэмдэглэн өнгөрүүлэхдээ олон хүн цугларсан газарт аль болох бага насны хүүхдийг дагуулж явахгүй байх. Золгохдоо бага насны хүүхдийг үнсэхгүй байх.
• Амны хаалт зүүж, гараа халдваргүйтгэх.
• Ам, хоолойг давс, нимбэг, сод, сармисны уусмалаар ээлжлэн зайлах.
• Гэр орондоо агаар сэлгэлт сайтар хийхийг зөвлөж байна.
• Менингококкт халдварыг үүсгэгч нянгийн үржих таатай температур нь 36-37 хэмийн дулаан, чийгтэй орчин бөгөөд өвчилсөн хүн, хамар, залгиурын үрэвсэлтэй хүн, нян тээгчээс агаар дуслын замаар тархдаг.
• Ихэвчлэн сургуулийн өмнөх насны хүүхэд болон дархлаа султай хүмүүс өвчлөх эрсдэлтэй.

Судалгаагаар Монгол Улсад менингококкт халдвараар өвчилсөн хүмүүсийн 84 хувь нь 0-14 насны хүүхдүүд эзэлжээ.