Монголын Залуучуудын Холбооноос 2021 оны гуравдугаар сарын 04-ний өдрөөс хойш Монгол банкинд зээлийн мэдээллийн санд зээлийн муу түүхтэй байгаа иргэдээ нэг удаа цагаатгах хүсэлт тавьж, удаа дараа хандан шаардлага тавьж байсан билээ. 

Цар тахал,  хөл хориотой хүндхэн  цаг үед зээлийн төлөлтөө хугацаа хэтрүүлж төлсөн иргэд залуучууд  “Хар жагсаалт-“нд орсноор цаашид санхүүгийн хүнд нөхцөлд орохоор байсан.

Тэгвэл УИХ-ын дарга Г.Занданшатар өнөөдөр Муу зээлийн хар жагсаалтад багтсан 71 мянган иргэн, ААН-ийг нэг удаа цагаатгах болсныг мэдэгдлээ. Ийнхүү МЗХ-ны холбооны шаардлага, санаачлага биеллээ олж, олон иргэд, ААН нэгжүүдийн зээлийн түүх цагаан боллоо.