Баабар ийн өгүүлэв.

2024 ОНЫ ДЭЛХИЙН ШИЛДЭГ КИНОНУУД

Английн Экономист сэтгүүл 2024 оны шилдэг ном, кино, концерт, пянз зэргийг шалгаруулжээ. Ийм шалгаруулалт оны төгсгөлөөр маш олон газар болж бараг зэрэг зэрэг зарладаг. Цөөн хэдэн бүтээл нь давхцдаг ба хаана ямар газар яаж шалгаруулснаас хамаарч нэлээд зөрөх нь бий. Жишээ нь кино урлагийн хувьд америкчууд бараг тэр чигээрээ Холивүүдэд анхаарлаа чиглүүлж, бусад орны кино бүтээлийг анзаардаггүй шахам. Гэтэл үүнд жишээ нь кино урлагийн бас нэг том төв болсон европчууд арай өргөн хүрээгээр хандан шалгаруулдаг. Иймээс энд маш нэр хүнд бүхий Экономост сэтгүүлийн шалгаруулж нэрэлсэн кинонууд илүү сонирхолтой болов уу гэж орчуулж тавьж байна.

2024 оны тэргүүн кинонууд гэдэг нь урьд жил нь хийгдэж олны танил болсон бүтээлүүд байдаг. Учир нь дэлгэцэнд шилжсэний дараа жил дэлхийн олон газар болдог кино наадам фестивалиар үнэлүүлж, үзэгчид болон шүүмжлэгчид үнэлэлт дүгнэлтээ өгснөөр мэдээллийн хэрэгслэлүүд болон мэргэжлийн байгууллагууд үүний дараа л үгээ хэлдэг билээ.

1. ОППЭНХАЙМЭР АНУ-Английн намтарчилсан кино. анг: Oppenheimer. Найруулагч Христоофэр Нолан. (Сhristopher Nolan) Гол дүр Cиллиан Мөрфи. Дэлхийн анхны атомын бөмбөг бүтээх төслийг удирдсан физикч Робэрт Оппэнхаймарын тухай бүтээл. 2024 оны Оскарын шагналтай 

2. ЯАГААД УНАВ Францын драмын кино. анг: Anatomy of a Fall,  франц: Anatomie d'une chute. Найруулагч Жюстин Триэ (Justine Triet) Алдартай зохиолч гэрийнхээ байшин дээрээс унав осолдов. Амиа хоролсон уу? Санаандгүй явдал уу? Зориуд алсан уу? Эхнэр нь холбоотой юу?

Каннын кино наадмын тэргүүн шагналтай.

3. ЯАЖ ШҮҮ АМЬДАРЧ БАЙНА ДАА? Японы анимэйшн кино. анг: The Boy and the Heron,  япон: Kimitachi wa Dō Ikiru ka,  Найруулагч Хаяа Миязаки. Дайны үед өнчирч хоцорсон Махита хүүгийн тухай.

Алтан бөмбөрцөг наадмын тэргүүн шагналтай.

4. БҮТЭЭГЧ Америкийн эйкшн кино. анг: The Creator  Найруулагч Гэрэт Эдвардс (Gareth Edwards) 2070 онд хиймэл оюуны бүтээлүүд хүн төрлөхтнийг захирах болов. Тэдний эсрэг шинэ зэвсэг бүтээгчийг устгахаар улайрах тэмцэл.

Кино шүүмжлэгчдийн олон шагнал авсан.

5. ОЧИХ ГАЗАРГҮЙ ҮЛДСЭН АНУ-ын инээдмийн драм кино. анг: The Holdovers  Найруулагч Александэр Пэйнь (Аlexander Payne). Нэгэн дотуур байрны сургуулийн багш зул сарын баярын үеэр очих газаргүй болсон цөөхөн хэдэн сурагчийг аргагүйн эрхэнд асарч үлдэх болсон түүх.

АНУ-ын үндэсний кино шүүмжийн зөвлөлийн шагналтай.

6. ГЭГЭЭН ААЛЗ  Герман-Франц-Шведийн гэмт хэргийн перс хэлээрх кино. анг: Holy Spider. Найруулагч: Али Аббасси (Ali Abbasi)  Гудамжийг нүгэлтнүүдээс цэвэрлэж байна хэмээн биеэ үнэлэгчдийг цувралаар хөнөөсөн Аалз хэмээх алуурчыг хайсан сэтгүүлч бүсгүй Ираны ариун хот Мэшхадын харанхуй хэвлийд буулаа.

Каннын кино наадмын шагналтай.

7. ХЭРХЭН СЕКСДЭХ ВЭ? Англи-Герег-Белгийн кино. анг: How to Have Sex. Найруулагч Молли Волкэр-ын анхны бүтээл (Molly Manning Walker) Амралтын үеэр шинэ нөхөрлөл, бэлгийн дарамт, өөрийгөө нээх зэрэгтэй тулгардаг 16 настай гурван сайн найзууд.

Каннын кино наадмын шагналтай.

8. ЦЭЦГЭН САРНЫ АЛУУРЧИД  АНУ-ын гэмт хэргийн кино. анг: Killers of the Flower Moon Найруулагч Мартин Скорсэз(Martin Scorsese), Гол дүрд Леонардо ди Каприо, Робэрт дө Ниро. 1920-иод онд Оклахома мужид өрнөж буй үйл явдал. Нутгийн индианууд хэд хэдэн удаа аллагад өртөв. 

Оскарын, Алтан бөмбөрцгийн, БАФТА- ын шагналын олон төрөлд нэр дэвшсэн.

9. МАЭСТРО  АНУ-ын намтарчилсан кино. анг: Maestro Найруулагч Брэдли Күпэр(Bradley Cooper) Хөгжмийн зохиолч Леонард Бэрнштайны намтар.

Америкийн кино инстүүцийн шагналтай

10. ӨНГӨРСӨН АМЬДРАЛ   АНУ-Өмнөд Солонгсын романтик кино. анг: Past Lives Сэлин Сонгийн анхны бүтээл. (Celine Song). Бага насны хоёр найз 24 жилийн турш тусдаа амьдарч, өөр амьдралаар амьдрахын хэрээр харилцааныхаа мөн чанарыг эргэцүүлэн бодож байгаа тухай.

Ази, Номхон далайн кино наадмын шагналтай.

11. ӨРӨВДӨМ ХӨӨРХИЙ  Ирланд-Англи-АНУ-ын кино. анг: Poor Things  Найруулагч Ёргос Лантимос (Yorgos Lanthimos), Гол дүр Эмма Стоун. Хачирхалтай эрдэмтний амь оруулсан залуу бүсгүй хуульчтайгаа нийлэн адал явдал хайж хорвоогоор нэг тэнүүчлэв.

Венецийн кино наадмын тэргүүн шагнал, Оскарын, Алтан бөмбөрцгийн, БАФТА-ын олон шагнал хүртсэн.

12. ЮМНЫ АМТ  Францын романтик кино. анг: The Taste of Things, франц: La Passion de Dodin Bouffant, Найруулагч Францын иргэн, вьетнам үндэстэн Чан Ань Хун (Tran Anh Hung) Сайн тогооч хүүхэн алдартай тогоочийн газарт ажилд оров. Тэдний танилцсан 20 жилийн хугацаанд хоол хийх дадлага, бие биенээ биширч байсан нь романтик харилцаа болон хувирчээ.

Канны кино фестивалын шагналтай.

13. БОДИТ ҮНЭН   HBO-ын гэмт хэргийн кино. анг: Reality Найруулагч Тина Саттэр (Tina Satter) Америкийн тагнуулын мэргэжилтэн асан 2016 оны АНУ-ын сонгуульд Орос хөндлөнгөөс оролцсон тухай засгийн газрын мэдээллийг цахим шуудангаар дамжуулан хэвлэл мэдээллийн хэрэгслээр зөвшөөрөлгүй тараасан хэргээр ял авлаа.

Ерусалэмийн кино фестивалын шагнал.

14. СОНИРХЛЫН БҮС   Англи-Польш-АНУ-ын түүхэн драм кино. анг: The Zone of Interest Найруулагч  Жонатан Глэзэр(Jonathan Glazer) Нацистын Освэнцим дахь хорих лагерын дарга асан Рүдолф Хөсс ба эхнэр Хэдвик нарын тухай.

Оскарын шагналтай