Өдөр тутмын онцлох мэдээлэл, нийтлэл, үйл явдлын тоймыг монгол, англи хэлээр хүргэж байгаа билээ. Та эдгээр мэдээллийн англи орчуулгыг ENGLISH хэсгээс уншина уу. Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

INFOMONGOL.MN  "ЦАГААН САРАА САЙХАН ТЭМДЭГЛЭЕ-2016" ДАВЛАГААГ ДЭМЖИЖ БАЙНА

Улаанбаатар хотын амьжиргаа багатай иргэдэд чиглэсэн "Цагаан сараа сайхан тэмдэглэе-2016" давлагаанд нэгдэж буйгаа бид өмнө зарласан. Монгол хүн бүр Цагаан сарын шинийн нэгний өглөөг дутуу гацуу байсан ч дүүрэн билэгдлээр угтдаг. Яг л энэ сэтгэлээр хэдий амьдралын  боломжгүй ч Цагаан сараа билэгдэн угтах гэж байгаа айлуудад баярт хэрэглэх идээг нь билэгдэл шингэсэн сэтгэлээр бэлтгэн бэлэглэх нь энэ давлагааны зорилго юм.  

Энэхүү сайхан сэтгэлийн давлагааг INFOMONGOL.MN дэмжин оролцож байгаа бөгөөд найз нөхөд, хамтран ажиллагсад болон уншигчдаа бидэнтэй нэгдэхийг уриалж байна. Цагаан сарын бэлгийн хайрцганд та өөрийнхөө боломж, сонголтоор: гурил, будаа, гоймон, цай, давс, элсэн чихэр, цай, ургамлын тос, сүү, чихэр, цагаан самар, тавгийн идээ, үзэм, ааруул, даршилсан өргөст хэмх, даршилсан жимс гээд Цагаан сарын баяраар айл, өрхөд хамгийн их түгээмэл хэрэглэдэг зүйлсийг багцлан бэлтгээрэй. Эдгээр нь заавал өндөр үнэтэй, их хэмжээний байх ёстой биш. Ердөө л таны нэгэн гэр бүлийн баярын ширээнд шаардлагатай байгаа хамгийн хэрэгцээтэй бөгөөд энгийн зүйлсийг дутуу нь үгүй сэтгэлээр бэлтгэх нь л хангалттай. 

Та хандиваа нэгдүгээр сарын 30-ны бямба гаригийг дуустал Нарны зам дагуу байрлах "Порш"-ын салбар дээр өгч болно. Энэхүү хандивыг бид тусламж шаардлагатай байгаа айлуудад тараан түгээх юм.

INFOMONGOL.MN хандивын хайрцгаа бэлтгэлээ. Манай хамт олны бэлтгэсэн энэхүү хандивыг хэн хүлээн авахыг бид мэдэхгүй ч тусламж хэрэгтэй хэн нэгэнд туслах чин сэтгэлээр хамгийн хэрэгцээтэй байгаа бүхнийг бэлтгэсэн юм шүү. Та бүхэн мөн энэхүү давлагаанд нэгдэн Цагаан сарын хандивын хайрцгийг бэлтгэн нэгэн айл, өрхийг баярлуулаарай. Сайн үйлс дэлгэрэх болтугай.  

Англи эхийг энд дарж уншина уу

For Mongolian version please click here