Өдөр тутмын онцлох мэдээлэл, нийтлэл, үйл явдлын тоймыг монгол, англи хэлээр хүргэж байгаа билээ. Та эдгээр мэдээллийн англи орчуулгыг ENGLISH хэсгээс уншина уу. Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

Мөн та бүхэнд бид англи, монгол хэлээр тусгайлан бэлтгэсэн мэдээлэл, тайлан захиалгаар бэлтгэн хүргэж байх болно. Та ямар мэдээ мэдээлэл шаардлагатай байгаа талаар бидэнтэй холбогдон хамтран ажиллахад бид бэлэн байна.

Мазаалай бол дэлхий даяар зөвхөн Монгод байдаг, говьд амьдардаг баавгай.  Устаж үгүй болох аюулд өртөөд байгаа мазаалай одоо дэлхийд 28-хан үлдээд байгаа.

Үүний 25 эрэгчин, 3 эмэгчин гэсэн мэдээлэл байгаа юм. Монголын байгаль хамгаалагчид мазаалайг өсгөж үржүүлэх, устаж мөхөх аюулаас гэтэлгэх оролдлого хийж байгаа ч үр дүнд хүрэхгүй байгаа.

Тэгвэл энэхүү асуудалд дэлхий нийтийн анхаарлыг хандуулахын тулд Улаанбаатарт болох АСЕМ-ийн уулзалтын лого-г Мазаалай болгох санаачилга гаргажээ.

Ийнхүү олон нийтийн, дэлхийн анхаарлыг хандуулснаар устаж үгүй болж байгаа мазаалайг хамгаалахад ахиц гарна гэж найдаж байгаа юм. Тиймээс энэхүү санаачлагыг гаргагсад https://www.facebook.com/saveMazaalai/ хуудас нээж, энэхүү санаачлагыг Монголчууд та бүхэн чин сэтгэлээсээ дэмжихийг уриалсан байна.

Тэд “Монголчууд бид овог нэгтэй энэ хайр татам амьтныг аврахгүй бол өөр хэн ч үүний бидний өмнөөс хийхгүй” гэж анхааруулсан байна.

Мөхөж сөнөх дээрээ тулсан гэгдэг хулсны панда баавгайг өсгөж үржүүлэх талаар дэлхий нийтийн анхаарлыг хандуулж чадсанаар Хятад улс панда үржүүлэх тусгай хүрээлэнтэй болсон. Одоогоор энэ хүрээлэнд 250 гаруй хулсны баавгай өсч байгаа бөгөөд дэлхий даяар 1600-3000 орчим панда байдаг гэсэн тоо байдаг аж.

Тэгвэл дэлхийд ердөө 28-хан амьд үлдээд байгаа мазаалайг хамгаалж өсгөх талаар монголчууд дуугарах, хүчээ нэгтгэх ёстой юм. Тиймээс энэхүү санаачлагыг та бүхэн дэмжээрэй. 

Англи эхийг энд дарж уншина уу

For English version please click here